على خط جسر بقيق.. مريت جسر بقيـق =وانا غترتي من فـوق راسي...ورابطهـا
دوي الرعد ف أذني دوي طايرات الميـق=ابـي ديـرة مانيـب جاهـل خرايطـهـا
عشان من يحلم بزولـي قبـل مايفيـق=والى فاق ذاكرته علـى الحلـم سلطهـا
معاه العذارى لو تهايط ..مساء واشريـق=عليم أن غلاه ان قـد يوقـف مهايطهـا
عليه الوصوف النادرة راكبـه ..وتليـق=تحوطه مـن زود الميانـه .. وحوطهـا
كساير ذهبه اللي لها في النحر ..تبريـق=تغبط على منحـره .. والنحـر غابطهـا
ياغصن الغلا .. يا الله بالخير..والتوفيـق=تبا تغنم الفرصـه معـاى ..او تفرطهـا
جدايله ماتدري وش المشط ..يا ابن رزيق=تعرض على شهـب الهبـوب وتمشطهـا
ابسمعـك بيتيـن ماهـيـب للتلفـيـق=وبيتيـن تصلـح لـك وبيتيـن سافطهـا
وبيتين يلحقهـا مـن المنتقـد ..تحقيـق=وبيتيـن ماتعجـبـك .. ولا تعابطـهـا
الذ الوصال .. مواصلك الا ياحلى ما ذيق=عسل نحلته شفتـك.. والثغـر مسقطهـ
غرامك غضى الجمرة ..يفوح عليه ابريق=ترفق على كبدي..ترى البعـد شاحطهـا
تخبر الدموع اللي سرت من عيونك ضيق=لقاها هـدب عينـي حزينـه ..وقلطهـا
وقامت تجمع من على محجري ..وتويـق=والى حولـت ماعـاد يمديـه ..يلقطهـا
ولكن ماعليها خوف ..خل الدموع تريـق=خـدودي لدمـع مـن سبايبك..باسطهـا
صغاير الأمور اشيلها..والكتـوف تطيـق=وعظيم الامـور تهزنـي .. واتباسطهـا
ونا ماعلى من شلة الضحك.. والتعليـق=اعرف الخيـول النـادرة مـن مرابطهـا
وادور على الجزله .. لو انها برأس طويق=ضعاف النفوس الله من الارض.. يسخطها
ابي شوفتك من دون موعد..ولا تنسيـق=لو انك مابين ابو الرجاجيل .. وانشطهـا
عذاب الممات امن التوجـاد.. والتفريـق=ولذيذه مابين اطراف كبـدك .. وباسطهـا
لو احملك ذنبـي ..خطـا يالذيـذ الريـق=انا قبل اعرفـك ..رايـحٍ فـي خرايطهـا
موضوع: غصن الغلا <<هههههههه صح السانك 
الجمعة أكتوبر 23, 2009 4:15 am
